Mid-Cauthier Fair; A Dramatic Pastoral with Other Poems, Songs, and Prose Sketches - Alexander Wardrop

This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1887 Excerpt: ...fore the fluir, sodgering his ain sentiments. "I'm sure I've read till my een's blear an' I'm jist aboot as far forrit the day as when I opened my first book." "Books confound ye!" cried Betty frae the bed. "Are ye gaun to begin the nicht again? Tak aff yer claes, baur the door, blaw oot the caunle, an' come awa' to yer bed. It'll fit ye far better nor books. If Sanny Sangster sees the licht he'll be in, as sure's the warl', an' rave till mornin'. What does he ken onywye? I'm blist if he didna blether for 'oors last nicht aboot ane Galloway gaun roon aboot the sun every four-an'-twenty 'oors, and telt the awfu'est lees aboot Robbie Burns, Wattie Scott, an' Allan Ramsay ever I listened to; an' when you an' him began to haiver on history, a' that he kent aboot it was that Mary Queen o' Scots (puir thing) was born in Lithca' Pailace. Ye crack o' yer een bein' blear't; it's eneuch to blear a' body's brains wi' yer borin' in the fire till a' 'oors o' the mornin'. For my pairt, I never read a book through and through a' my days, an' I'm jist as wise as aither you or Sanny Sangster. Nae wonder tho' yer heid's baul', Bauldy; you've het it sae wi' haivers that the hair's burnt aff the croon, and yet ye'll no tak' a tellin'." "Wheesht, woman, wheesht, Betty, for ony favour." An' wi' that in stappit Sanny Sangster wi' his " Hoo's a' the nicht, Bauldy? Is Betty beddit? Are ye sleepin', Betty?" "Deed, I was jist doverin', and wad fain hope you're no gaun to begin wi' your Hellbrands, an' Hammers, an' Galloways gaun roon aboot the sun the nicht again. You an' oor Bauldy's baith dementit. I min' twa or three years syne o' readin' in the Weekly Mail aboot a man trampin' a thoosan' miles in a thoosand' 'oors, and thocht...